ଗଙ୍ଗା ଧରାକୁ ଆସନ୍ତି

ରାଜା ସଗରଙ୍କ ଷାଠିଏ ହଜାର ପୁତ୍ର ମହର୍ଷି କପିଳଙ୍କ ଅଭିଶାପରେ ଭସ୍ମ ହୋଇଯାଇଥିଲେ। ଗଙ୍ଗାର ପବିତ୍ର ଜଳ ସେମାନଙ୍କ ଭସ୍ମ ଉପରେ ପ୍ରବାହିତ ହେଲେ ହିଁ ସେମାନଙ୍କ ଆତ୍ମା ମୁକ୍ତି ପାଇବ। କିନ୍ତୁ ଗଙ୍ଗା କେବଳ ସ୍ୱର୍ଗରେ ପ୍ରବାହିତ ହେଉଥିଲେ। ପୀଢ଼ି ପରେ ପୀଢ଼ି ରାଜାମାନେ ଗଙ୍ଗାକୁ ଭୂଲୋକକୁ ଆଣିବାର ଚେଷ୍ଟା କଲେ, କିନ୍ତୁ ସଫଳ ହୋଇପାରିଲେ ନାହିଁ। ଅବଶେଷରେ ରାଜା ଭଗୀରଥ କଠୋର ତପସ୍ୟା କଲେ। ପ୍ରଭୁ ବ୍ରହ୍ମା ସନ୍ତୁଷ୍ଟ ହୋଇ ଗଙ୍ଗାକୁ ଭୂଲୋକକୁ ପଠାଇବାକୁ ରାଜି ହେଲେ। କିନ୍ତୁ ଏକ ସମସ୍ୟା ଦେଖା ଦେଲା — ଗଙ୍ଗାର ବେଗ ଏତେ ପ୍ରଚଣ୍ଡ ଥିଲା ଯେ ସେ ସିଧାସଳଖ ପଡ଼ିଲେ ପୃଥିବୀ ଚୂର୍ଣ୍ଣ ହୋଇଯାଆନ୍ତା। ଭଗୀରଥ ସାହାଯ୍ୟ ପାଇଁ ପ୍ରଭୁ ଶିବଙ୍କ ନିକଟରେ ପ୍ରାର୍ଥନା କଲେ। ଶିବ ଗଙ୍ଗାକୁ ନିଜ ଜଟାରେ ଧରିବାକୁ ସମ୍ମତ ହେଲେ। ଗଙ୍ଗା ଅହଙ୍କାରୀ ଥିଲେ ଏବଂ ଭାବିଲେ ଯେ ସେ ଶି