ରାଜା ହରିଶ୍ଚନ୍ଦ୍ର

ରାଜା ହରିଶ୍ଚନ୍ଦ୍ର ସତ୍ୟ ଓ ଧର୍ମ ପ୍ରତି ତାଙ୍କର ଅଟଳ ନିଷ୍ଠା ପାଇଁ ସର୍ବତ୍ର ବିଖ୍ୟାତ ଥିଲେ। ଥରେ ଦେବତାମାନେ ଆଲୋଚନା କଲେ ଯେ କୌଣସି ମନୁଷ୍ୟ ସବୁ ପରିସ୍ଥିତିରେ ସତ୍ୟ ପଥରେ ଅବିଚଳ ରହିପାରିବ କି ନାହିଁ। ମହର୍ଷି ବିଶ୍ୱାମିତ୍ର ହରିଶ୍ଚନ୍ଦ୍ରଙ୍କୁ ପରୀକ୍ଷା କରିବାକୁ ନିଶ୍ଚୟ କଲେ। ବିଶ୍ୱାମିତ୍ର ହରିଶ୍ଚନ୍ଦ୍ରଙ୍କ ସମ୍ପୂର୍ଣ୍ଣ ରାଜ୍ୟ ଦାନ ରୂପେ ଦାବି କଲେ। ହରିଶ୍ଚନ୍ଦ୍ର ବିନା ଦ୍ୱିଧାରେ ତାହା ଦାନ କରିଦେଲେ। ଏହାପରେ ବିଶ୍ୱାମିତ୍ର ଆହୁରି ଅଧିକ ଦାବି କଲେ। ହାତରେ କିଛି ନ ରହିବାରୁ ହରିଶ୍ଚନ୍ଦ୍ର ନିଜ ପତ୍ନୀ ଶୈବ୍ୟା ଓ ପୁତ୍ର ରୋହିତାଶ୍ୱଙ୍କୁ ଦାସତ୍ୱରେ ବିକ୍ରି କଲେ। ଏପରିକି ନିଜକୁ ଏକ ଶ୍ମଶାନ ରକ୍ଷକ ନିକଟରେ ବିକ୍ରି କରିଦେଲେ। ହରିଶ୍ଚନ୍ଦ୍ର ଶ୍ମଶାନରେ ମୃତ ଶବ ଦାହ କରିବାର କାର୍ଯ୍ୟ ଆରମ୍ଭ କଲେ। ଏକ ରାତ୍ରିରେ ତାଙ୍କ ନିଜ ପୁତ୍ର ସର୍ପଦଂଶନରେ ମୃତ୍